Տպել
Կանադայից Հերբերտ և Օդրի Գուդայն տարեց ամուսինները Սուրբ Ծնունդից մեկ շաբաթ առաջ իմացել են, որ իրենք տոնը ստիպված կլինեն անցկացնել միմյանցից հեռու, տեղեկացնում է BBC-ին:
91-ամյա Հերբերտ և 89-ամյա Օդրի Գուդայններն ամուսնացած են 69 տարի, իսկ միասին են 73 տարի:
Վերջին երեք տարիներին նրանք ապրում էին ծերանոցում, բայց մի քանի օր առաջ պարզվել է, որ Հերբերտին հարկավոր է տեղափոխվել այլ հաստատություն. տղամարդը տառապում է դեմենցիայից, և նրա վիճակը վատթարանում է:
Զույգին բաժանման մասին հայտնել են Սուրբ Ծնունդից մեկ շաբաթ առաջ, իրենց իսկ խոսքով՝ անհուսալիորեն փչացնելով տոնը: «Երեկ ես խոսել եմ ծնողներիս հետ. մայրս հեծկլտում էր, իսկ խորքից լվում էր հորս ձայնը»,-դեկտեմբերի 17-ին Facebook-ում գրել է Գուդայների դուստրը՝ Դիանա Ֆիլիփսը:
«Մայրս ասում է, որ իրենց համար Սուրբ Ծնունդն ավարտվեց. դա ամենաանուրախ տոնը կլինի իրենց կյանքում: Ինչո՞ւ չէր կարելի տեղափոխությունը հետաձգել մինչև տոների ավարտը »,-գրում է Ֆիլիփսը:
Գուդայների հետ տեղի ունեցածը տարածվել է սոցցանցերում, Ֆիլիփսի գրառմանն արձագանքել են Facebook-ի ավելի քան 17 հազար օգտատերեր:
Դիանայի խոսքով՝ ինքը Նյու-Բրանսուիքի նահանգի վարչակազմի պաշտոնյաներին խնդրել էր մեկ շաբաթով հետաձգել տեղափոխությունը, բայց նրանք իրեն մերժեցին:
