Տպել
Տարածված ցավազրկող և ջերմիջեցնող դեղամիջոց իբուպրոֆենը կարող է տղամարդկանց անպտղություն առաջացնել, պարզել են Կոպենհագենի համալսարանի գիտնականները:
Հետազոտողները փորձ են անցկացրել 18-ից մինչև 35 տարեկան 31 տղամարդկանց մասնակցությամբ: Նրանց 2 խմբի են բաժանել: Առաջին խմբի մասնակիցներին 6 շաբաթ ամեն օր տվել են 600 մգ իբուպրոֆեն (համարժեք է 3 հաբին), երկրորդ խմբի մասնակիցները պլացեբո են ընդունել:
14 օր լրանալուց հետո առաջին խմբի տղամարդկանց մոտ գրանցվել է լյուտեինացնող հորմոնի արտադրման աճ: Այն ազդում է տեստոստերոնի սինթեզի վրա, որն անհրաժեշտ է սերմնաբջիջների ձևավորման համար: Այս հորմոնի չափից ավելի խտությունը ակտիվացնում է կոմպենսատորային մեխանիզմները և սպառնում տեստոստերոնի արտադրման նվազմամբ, ու որպես հետևանք՝ անպտղությամբ:
Գիտնականները նշել են, որ իրենց փորձարկվողները իբուպրոֆենը չափավոր դոզայով են ընդունել, այդ պատճառով բացասական հետևանքներն այնքան էլ ուժեղ արտահայտված չէին: Սակայն մարդիկ, որոնք ցավազրկողները մեծ դոզաներով են ընդունում և կանոնավորապես, օրինակ՝ պրոֆեսիոնալ մարզիկները, պետք է ավելի զգույշ լինեն:
Հետազոտության արդյունքները հրապարակվել են Proceedings of the National Academy of Sciences ամսագրում, հայտնում է Science Alert-ը:
