Մխիթարյանը Ռուբեն Հայրապետյանին պատմել է՝ ինչ է տեղի ունեցել իր ու Մոուրինյոյի միջև (տեսանյութ)
Advertisement 1000 x 90

Մխիթարյանը Ռուբեն Հայրապետյանին պատմել է՝ ինչ է տեղի ունեցել իր ու Մոուրինյոյի միջև

«Մանչեստեր Յունայթեդի» ֆուտբոլիստ Հենրիխ Մխիթարյանը Հայաստանի ֆուտբոլի ֆեդերացիայի նախագահ Ռուբեն Հայրապետյանի հետ խոսել է թիմի գլխավոր մարզիչ Ժոզե Մոուրինյոյի հետ իր հարաբերությունների մասին:

Այս մասին Հայրապետյանը հայտնեց երեկ՝ հունվարի 12-ին, լրագրողների հետ հանդիպման ժամանակ:

«Վերջին անգամ Մխիթարյանի հետ շփվել եմ ազգային հավաքականի վերջին ընկերական խաղի ժամանակ: Այն ժամանակ դեռ այդպիսի լարվածություն չկար: Այնքան, որքան դուք գիտեք, գրեթե այդքան էլ ես գիտեմ, բնականաբար՝ մի քիչ ավելի շատ ես գիտեմ: Հեռախոսով խոսել եմ Մխիթարյանի հետ: Առայժմ չեմ ուզում մեկնաբանել՝ ինչ է եղել, որովհետեւ ֆուտբոլիստ-մարզիչ հարաբերությունները միշտ էլ կարող են լավանալ կամ վատանալ: Պետք չէ ագրեսիվ մտնել նրանց աշխատանքային պրոցեսի մեջ եւ խանգարել: Կարծում եմ՝ պետք է համբերել»,- ասաց նա:

Նա, սակայն մանրամասներ չի հայտնել իրենց խոսակցությունից: