Մխիթարյանի առաջին հարցազրույցն Արսենալ տեղափոխվելուց հետո
Advertisement 1000 x 90

Մխիթարյանի առաջին հարցազրույցն Արսենալ տեղափոխվելուց հետո

Լոնդոնի «Արսենալի» նորեկ, Հայաստանի հավաքականի կիսապաշտպան Հենրիխ Մխիթարյանն առաջին հարցազրույցն է տվել ակումբի պաշտոնական կայքին:

«Ինձ միշտ դուր է եկել, թե ինչպես է խաղում «Արսենալը», ինչպես է մարզում Արսեն Վենգերը, ով աշխատում է երիտասարդ ֆուտբոլիստների հետ:

Սիրահարված էի Թիերի Անրիի խաղին, հնարավոր է՝ դա էր պատճառը «զինագործներին» երկրպագելու համար: Անրին բազմաթիվ գոլեր էր հեղինակում, խաղում էր թիմի համար, նա կարծես հերոս լիներ:

«Արսենալի» այն երկրպագուներին, ովքեր քիչ բան գիտեն իմ մասին, կասեմ, որ կարծիք կկազմեք դաշտում իմ խաղը տեսնելուց հետո: Նախասիրություն չունեմ դիրքիս վերաբերյալ, ինձ դուր է գալիս գտնվել դաշտում, տեղաշարժվել, ազատ գոտիներ ստեղծել:

Նախապատվություն չունեմ իմ նոր թիմակիցներիս հարցում, ցանկանում եմ խաղալ բոլորի հետ և սկսել մարզումները որքան հնարավոր է շուտ»,- ասել է Մխիթարյանը:

armsport.am