Տպել
Կենդանակերպի այս նշանների ներկայացուցիչներն առավել հակված են բողոքների։ Flytothesky.ru-ն ներկայացրել է, թե ովքեր են նրանք։
Խեցգետին։ Խեցգետինները դժգոհողի կարգավիճակում լինելու ցանկություն չունեն։ Նրանք պարզապես հաճախ են ապրումներ ունենում, և այդ ընթացքում զսպելը դժվար է լինում։ Հարկավոր է արտահայտել զգացմունքները, երբ դրանք չափից շատ են լինում, հակառակ դեպքում հետևանքները կարող են վատ լինել։ Միայն թե հարկավոր չէ կարծել, թե Խեցգետինները թույլ են։ Նրանք կամքի ուժ ունեն, կարողանում են ղեկավարել զգացմունքները։
Կարիճ։ Նրանք ևս չեն ցանկանում շատ բողոքել։ Պարզապես այդպես ստացվում է, հատկապես, եթե հաշվի առնենք նաև խիստ զգացմունքայնությունն ու ազնվության ձգտումը։ Կարիճները նպատակասլաց են, տխրում են, երբ որևէ բան ճիշտ չի ընթանում։ Կարիճները ձգտում են լիդեր լինել, և երբ ամեն բան դուրս է գալիս վերահսկողությունից, նրանք պարզապես չեն կարող չարտահայտել զգացմունքները։ Խնդիրն այն է, որ կյանքում շատ բաներ չեն ենթարկվում մեր վերահսկողությանը, ինչը դուր չի գալիս Կարիճին։ Նա մեծ ցանկություն ունի ազդելու այդ ամենի վրա, իսկ երբ չի կարողանում անել դա, սկսում է դժգոհությունների շարքը։
Աղեղնավոր։ Աղեղնավորները նման են գլուխկոտրուկի։ Մի կողմից՝ նրանք լավատես են ու ինքնաբերական։ Մյուս կողմից՝ նրանք ասում են այն, ինչ առաջինն է մտքին գալիս, այդ թվում՝ դժգոհում են։ Ընդհանուր առմամբ նրանց բնորոշ չեն բացասական բաներ, բայց երբեմն Աղեղնավորները պարզապես չեն գիտակցում սահմանները։ Եթե որևէ բան այն չէ, Աղեղնավորները միանգամից ասում են դա, ընդգծում։ Հնարավոր է՝ դա անում են ոչ թե պարզապես հիասթափության կամ նեղվածության պատճառով, այլ՝ որովհետև որևէ սխալ բան են նկատել։ վատագույն դեպքում կարող եք լուրջ տարաձայնություններ ունենալ։ Այդ դեպքում Աղեղնավորներն այնքան էլ չեն անհանգստանում հետևանքների համար։ Դժգոհելն Աղեղնավորների համար կարծիքը մարդկանց հասցնելու ևս մեկ միջոց է։
Ջրհոս։ Ջրհոսները սովորաբար ցույց չեն տալիս իրենց զգացմունքները։ Միակ բանը, որ նրանք կարող են թույլ տալ իրենց, դժգոհելն է։ Կենդանակերպի այս նշանի ներկայացուցիչների համար շատ ավելի հեշտ է ինքնարտահայտվել դժգոհության միջոցով, քան խոստովանել, թե ինչ է իրականում կատարվում հոգում։ Բացի այդ՝ Ջրհոսները դժգոհելն օգտագործում են՝ որպես իրենց կարծիքն արտահայտելու և ինտելեկտուալ կարողությունները ցուցադրելու միջոց։
Նյութը հրապարակման պատրաստեց 168.am-ը
