Տպել
Փարիզի դատախազությունը նախնական քննություն է սկսել Ֆրանսիայի մայրաքաղաքում ամերիկյան ռեալիթի-շոուների աստղ Քիմ Քարդաշյանի կողոպտման հետաքննության շրջանակներում:
«Ֆրանսպրես» գործակալության տվյալներով՝ նախնական քննությունն սկսվել է հոկտեմբերի 11-ին «զենքի կիրառմամբ կողոպուտի» գործով, որը «կատարվել է հանցավոր կազմակերպության կողմից»:
Քարդաշյանին կողոպտել են հոկտեմբերի լույս 3-ի գիշերը Փարիզի 9-րդ օկրուգի ոչ մեծ մասնավոր հյուրանոցում: Նրանից հափշտակվել են զարդատուփ՝ մոտավորապես 5 մլն եվրո գումարի թանկարժեք իրերով, եւ 4 մլն եվրո արժողությամբ մատանի: Կողոպտիչները նաեւ շարժական երկու հեռախոս են տարել:
Հարձակմանը մասնակցել է դիմակավոր հինգ մարդ, որոնք եղել են ոստիկանի համազգեստով, հաղորդել է ՌԻԱ Նովոստին:
