Advertisement 1000 x 90

Հայաստանում թաքնվող դիպուկահարը հայտնել է Մայդանի պատգամավոր–մարդասպանների անունները

Վրացի դիպուկահար Ալեքսանդր Ռևազիշվիլին 2014 թվականի Մայդանի իրադարձությունների ականատեսն է եղել։

Կիևի գլխավոր հրապարակի ցուցարարներին ցրելու «ակցիային» մասնակցած դիպուկահարը բացահայտել է Մայդանում սպանություններ կատարած երկու մարդկանց անունները։

Նրանց թվում են եղել Ուկրաինայի Գերագույն ռադայի ազգային անվտանգության և պաշտպանության հարցերի կոմիտեի ներկայիս ղեկավար Սերգեյ Պաշինսկին ու ազգային պատգամավոր Վլադիմիր Պարասյուկը։

Վրացի դիպուկահարի խոսքով` նրանք անձամբ մասնակցել են 2014 թվականի փետրվարին իրականացված սպանություններին։

«Պաշինսկին իր ինքնաձիգից կարճ կրակոցներ էր արձակում, Պարասյուկի որդին` «Սայգայից», նրա հայրը` ՍԿՍ կարաբինից», —իր ցուցմունքների մեջ ասել է Ռևազիշվիլին։

Ավելի վաղ հայտնի է դարձել, որ վրացի երկու դիպուկահարները Հայաստանում են թաքնվել։ Վրացիների փաստաբան Ալեքսանդր Գորոշինսկու միջոցով Sputnik Արմենիան պարզել է, որ դիպուկահարները պատրաստ են ուկրաինական դատարանին ցուցմունքներ տալ Skype-ի միջոցով, քանի որ վախենում են իրենց ազատության համար։ Հենց այդ պատճառով վրացիներ թաքնվում էին Հայաստանում, այլ ոչ թե հայրենիքում։

Նրանցից մեկը պնդել է, որ հակասությունների սրման պահին նրանց ջոկատին հրամայել են կրակել «Բերկուտի» աշխատակիցներին և ցուցարարներին, սակայն վրացական ջոկատը հրամանն ընդունել է որպես սադրանք և չի կրակել։

Կիևի գլխավոր հրապարակում` Նեզալեժնոստի մայդանում (Անկախության հրապարակ), 2013թ-ի նոյեմբերի 21-ին հավաքվել էին եվրաինտեգրման կողմնակիցները Նիկոլայ Ազարովի կառավարության այն հայտարարությունից հետո, թե Եվրամիության հետ ասոցացման մասին համաձայնագրի ստորագրումը դադարեցվել է։ Ավելի ուշ մայդանը դարձավ իրավապահ ուժերի և ծայրահեղականների ընդհարման էպիկենտրոն։ Ավելի քան 100 հոգու մահվան պատասխանատվությունը նոր ուկրաինական իշխանությունները գցեցին իրենց քաղաքական ընդդիմադիրի` նախկին նախագահ Վիկտոր Յանուկովիչի և «Բերկուտ» ՆԳՆ հատուկ ստորաբաժանման վրա։ Յանուկովիչը և «Բերկուտը» պնդում են, որ սպանությունների հետ առնչություն չունեն։ Պետական հեղաշրջումից հետո «Բերկուտ» հատուկ ստորաբաժանումը ցրվել է։

armeniasputnik.am