Տպել
Հոլանդիայի կառավարությունն օրինագիծ է նախապատրաստում, որը նախատեսում է օրինականացնել կյանքից կամավոր հեռանալ ցանկացողների աջակցությունը, որոնք այն կարծիքի են, որ «իրենց կյանքն ավարտվել է», սակայն մահացու հիվանդ չեն:
2002 թ. Հոլանդիան դարձավ առաջին երկիրը, որն օրինականացրեց էֆթանազիան, սակայն միայն այն հիվանդների համար, որոնք անտանելի ցավերի են մատնված և բուժվելու հույս չունեն:
Ըստ Reuters-ի հաղորդման՝ խորհրդարանին ուղղված համատեղ նամակում արդարադատության և առողջապահության նախարարները նշում են, որ թեպետ նոր օրենքը դեռ մշակման կարիք ունի, այն մարդիկ, ովքեր «կշռադատված կերպով հանգել են այն եզրակացության, որ իրենց կյանքն ավարտված է, պետք է հնարավորություն ունենան, խիստ և մանրակրկիտ չափանիշների պահպանմամբ, կյանքին վերջ տալ արժանապատվորեն»:
Ամբողջությամբ՝ ilur.am
