Տպել
Ռուսաստանի և Հայաստանի հարաբերությունների զարգացման վեկտորն ամրագրված է բազմաթիվ պայմանագրերում։ Ամենշաբաթյա ճեպազրույցի ժամանակ այս մասին ասաց ՌԴ ԱԳՆ պաշտոնական ներկայացուցիչ Մարիա Զախարովան ` պատասխանելով Sputnik Արմենիայի` ՀՀ նոր նախագահի հետ հարաբերություններ կառուցելու վերաբերյալ հարցին։
«Կարծում եմ, որ դա միանշանակ նախագահի աշխատակազմի առանձնաշնորհն է` համապատասխան հայտարարություն անելը, բայց Հայաստանի հետ մեր հարաբերությունները ինչպես պատմական բնույթ ունեն, այնպես էլ դրանց վեկտորն ամրագրված է երկկողմ փաստաթղթերում»,- ասաց Զախարովան։
Նրա խոսքով` Ռուսաստանը ելնում է նրանից, որ Հայաստանի հետ հարաբերութունները որոշվելու են երկկողմ համաձայնագրերով բազմաթիվ գագաթաժողովներով, հանդիպումներով ու բանակցություններով։
«Առաջին հերթին ելնելով երկու երկրի շահերից և բարօրության սկզբունքներից»,- նշեց Զախարովան։
Նշենք, որ ՀՀ ԱԺ–ն այսօր ընտրեց Հայաստանի 4-րդ նախագահին։ Արմեն Սարգսյանը խորհրդարանում ընտրվեց 90 կողմ, 10 դեմ ձայներով։ Նոր սահմանադրության համաձայն` նախագահի գործառույթները զուտ ներկայացուցչական կլինեն:
