Տպել
Ռուսաստանի նախագահ Վլադիմիր Պուտինը Հայաստանում բացված ընտրատեղամասերում հավաքել է ձայների ճնշող մեծամասնությունը։
Երևանում պատկերը հետևյալն է։ Նախնական տվյալներով` քվեարկել է 4879 մարդ, վավեր են համարվել 4860 քվեաթերթիկ (15-ը` անվավեր, 4–ը կորցրած)։ Դրանցից.
Վլադիմիր Պուտին` 4417
Վլադիմիր Ժիրինովսկի` 51
Գրիգորի Յավլինսկի` 50
Քսենյա Սոբչակ` 124
Սերգեյ Բաբուրին` 10
Պավել Գրուդինին` 158
Մաքսիմ Սուրայկին` 13
Բորիս Տիտով` 37
Գյումրիում պատկերն այսպիսինն է` այնտեղ քվեարկել է ավելի քան 1300 ընտրող, որոնց 95 տոկոսը ձայնը տվել է Պուտինին։
Հիշեցնենք` 2016թ–ին Պետդումայի ընտրություններում Երևանում Ռուսաստանի դեսպանատանն ամբողջ օրվա ընթացքում քվեարկել էր ընդամենը 1070 մարդ։
Ռուսաստանում մարտի 18–ին տեղի են ունեցել նախագահի ընտրությունները, բացվել են ավելի քան 97 հազար ընտրատեղամասեր, դրանցից 400–ը` արտասահմանում։ Քվեարկության կարգին հետևել են շուրջ 1500 միջազգային դիտորդներ 109 երկրներից։ Ռուսաստանի նախագահի պաշտոնին հավակնել է 8 թեկնածու։ Նախնական տվյալներով`ՌԴ գործող նախագահ Վլադիմիր Պուտինի օգտին քվեարկել է ընտրողների 76,6%–ը։
