Տպել
Արքայազն Հարրին և նրա հարսնացուն՝ Մեգան Մարքլը, ընտրել են այն հուշակագործին, որը պետք է թխի իրենց հարսանիքի տորթը: Ընտրությունն արվել է լոնդոնցի հայտնի հուշակագործ Քլեր Փթաքի օգտին, որը Լոնդոնի արևմուտքում գտնվող Violet հրուշակեղենի փռի սեփականատերն է, տեղեկացնում է BBC-ին:
Նրանք Քլեր Փթաքին պատվիրել են կիտրոնա-շամբուկի տորթ: Այն կզարդարվի սերուցքային կրեմով և թարմ ծաղիկներով: Քենսինգթոնյան պալատի հաղորդագրության մեջ ասվում է, որ տիկին Փթաքը թխած տորթն աչքի է ընկնելու իր «վառ գարնանային համով»:
Արքայազն Հարրիի և Մեգան Մարքլի հարսանիքը պլանավորված է գարնան վերջին՝ մայիսի 19-ին: Քլեր Փթաքը, որը մեծացել է Կալիֆոռնիայում, իր թխվածքներում նախընտրում է օգտագործել օրգանական և սեզոնային բաղադրիչներ: Քենսինգթոնյան պալատի հայտարարության մեջ ասված է, որ արքայազն Հարրին և Մեգան Մարքլը անհամբերությամբ են սպասում այն պահին, երբ իրենք կկարողանան իրենց հյուրերին հյուրասիրել այդ տորթով: Ընդամենը հարսանիքին, որը կայանալու է մայիսի 19-ին, հրավիրված է 2 հազար 640 մարդ:
