Տպել
Այժմ հյուսիսափայլը կարելի է դիտել՝ դուրս չգալով շինությունից, տեղավորվելով նոր՝ սահնակավոր համարներով հյուրանոցում: Այդ մասին հայտնել է Daily Mail-ը:
Յուրաքանչյուր համար իրենից ներկայացնում է չորսուկես մետր երկարությամբ և երկուսուկես մետր լայնությամբ կառուցվածք, որը կարելի է տեղաշարժել ձյունագնացի միջոցով: Համարի ներսում կա մահճակալ, սեղանիկ, ջեռուցիչ և չոր զուգարան:
Ընդհանուր առմամբ, նոր հյուրանոցն ունի երեք համար, որոնք ներկայում գտնվում են Ֆինլանդիայի հյուսիսի հեռավոր գյուղում: Հյուրանոցում ամրագրման սեզոնը կտևի մինչև ապրիլի կեսերը:
