Տպել
Կենդանակերպի այս նշանի ներկայացուցիչները լի են հակասություններով ու առեղծվածներով։ Նրանք բարի հոգի ունեն, հուսալի են։ Mirkrasoty.life-ը ներկայացրել է Խեցգետնի հետ շփվելու 14 պատճառ։
Միշտ կարող եք հույս դնել Խեցգետնի վրա։ Հավատարմությունը Խեցգետնի ամենալավ հատկություններից մեկն է։ Նրանք միշտ կատարում են իրենց խոստումները և նույնը սպասում մյուսներից։
Խեցգետինները միշտ առեղծվածային են։ Խեցգետինները հաճախ են վատ տրամադրություն ունենում, ինչը սովորաբար չի անդրադառնում մյուսների վրա։ Կենդանակերպի այս նշանի ներկայացուցիչները չափազանց զգացմունքային են, զգացմունքներին մեծ նշանակություն են տալիս։ Այդ պատճառով էլ երբեմն չեն թաքցնում դրանք։ Խեցգետինները նուրբ հոգի ունեն, երբեմն կարող են վայելել իրենց ապրումները։ Կենդանակերպի մյուս նշանների ներկայացուցիչները պետք է սովորեն չքննադատել Խեցգետինների զգացմունքները։ Այդ դեպքում շփման ընթացքում խնդիրներ չեն առաջանա։
Խեցգետինները սիրում են ֆիզիկական հաճույքներ։ Նրանց տրամադրությունը ենթարկվում է զգացմունքային պոռթկումների ազդեցությանը։ Նրանք կարողանում են հաճույք ստանալ կյանքից, սիրում եմ համեղ ուտելիք և շփում սիրելի մարդկանց հետ։
Ստեղծագործական մտածողություն ունեն։ Խեցգետիններին կարելի է անվանել ինտրավերտ էքստրավերտներ։ Նրանք հակված են ստեղծագործելու։
Խեցգետինը ձեզ հետ կհասնի նույնիսկ աշխարհի ծայրը։ Խեցգետինները մշտապես պատրաստ են արկածների։ Նրանք մեծ պատրաստակամությամբ ձեզ հետ կլինեն տարբեր վայրերում և ոչ մի դեպքում չեն հրաժարվի նոր զգացողություններից։
Խեցգետինը կենդանակերպի ամենաերազկոտ նշանն է։ Խեցգետինները վառ երևակայություն ունեն, նրանք երազկոտ են։ Հակված են իդեալականացնել մարդկանց, հատկապես՝ սիրային հարաբերություններում։ Խեցգետինները հաճախ մտածում են նաև ապագայի մասին, ինչն իդեալական է դարձնում սիրային հարաբերությունները։
Հեշտությամբ լուծում են բոլոր խնդիրները։ Անկողմնակալությունը Խեցգետիններին թույլ է տալիս խաղաղություն հաստատել։ Նրանք վեճեր չեն սիրում, միշտ փորձում են տեսնել մարդու լավագույն կողմերը։ Այդ պատճառով էլ կարողանում են ցանկացած իրավիճակ դիտարկել տարբեր կողմերից և նախապես հարթել կոնֆլիկտները։ Խեցգետինները կարողանում են նաև խոստովանել, որ սխալ են։
Ամեն ինչ մեծ սիրով ու կրքով են անում։ Քանի որ Խեցգետինները կենդանակերպի ամենազգացմունքային նշանն են, նրանք ամեն ինչ սիրով են անում։ Սիրային հարաբերություններում նրանք միշտ զուգընկերոջ մասին այնպես են հոգ տանում, ինչպես չի կարող որևէ այլ մեկը։ Այս գործում նրանց օգնում է նաև զարգացած ինտուիցիան։
Կարեկցանքի առկայությունը Խեցգետնին դարձնում է հրաշալի ընկեր և զուգընկեր։ Եթե ցանկանում եք խոսել, խորհուրդ լսել կամ պարզապես լաց լինել, Խեցգետինները կօգնեն ձեզ։ Նրանք կարողանում են հասկանալ մարդկանց, իսկ իմաստությունը թույլ է տալիս արժեքավոր խորհուրդներ տալ։ Խեցգետնի անկեղծությունն ու աջակցությունը միշտ կօգնի ձեզ դժվար պահերին։ Հարաբերություններում պարտավոր եք լիարժեք վստահել Խեցգետնին և երբեք չխաբել նրան։
Խեցգետինները միշտ լսում են ձեզ։ Եթե դժվարություններ ունեք հարաբերություններում, աշխատավայրում, կամ չեք կարողանում կարևոր որոշում կայացնել, Խեցգետինը միշտ կլսի ձեզ ու կօգնի գլուխ հանել բարդ իրավիճակից։
Խեցգետինները ձեզ հեռու կպահեն սխալ գործելուց։ Չնայած Խեցգետինները սիրում են արկածներ, որոշումներ կայացնելիս նրանք շատ լուրջ են և ռացիոնալ։ Նրանք շատ բանի են պատրաստ, բայց երբեք թույլ չեն տա իրավիճակ, որն ապագայում կարող է բացասական հետևանքներ ունենալ։
Չնայած Խեցգետինը չունի ձեր կարիքը, նրան դուր է գալիս շփվել ձեզ հետ։ Խեցգետինները գնահատում են էմոցիոնալ աջակցությունը, բայց անհրաժեշտության դեպքում կարող են ուժեղ, դիմացկուն և անկախ լինել։ Նրանք խորը կապված են ընկերների ու մտերիմների հետ, բայց ոչ մի դեպքում թույ չեն տա կախված լինել մյուսներից։ Ու թեև Խեցգետիններն ինքնուրույն են, սովորաբար միայնակ չեն ձանձրանում, նրանք կարողանում են գնահատել ընկերական շփումն ու դրանից հաճույք ստանալ։
Եթե Խեցգետինը թույլ է տվել մոտենալ իրեն, նա երբեք չի լքի ձեզ։ Խեցգետինները հակված են զգույշ լինել հարաբերություններում։ Հեշտ չէ շահել նրանց վստահությունը, քանի որ նրանք պաշտպանում են իրենց նուրբ սիրտը հիասթափություններից։ Բայց եթե Խեցգետինը ձեզ մոտ է թողել իրեն, դուք չեք կարող գտնել ավելի մտերիմ ընկերոջ։ Հավատարիմ, հուսալի, սիրող, հոգատար Խեցգետիններն իրենց ամբողջությամբ նվիրում են հարաբերություններին, քանի որ մտադիր են դրանք պահպանել ընդմիշտ։
Խեցգետինները միշտ կպաշտպանեն ձեզ։ Երբ հարազատ եք դառնում Խեցգետնին, նա ամեն ինչում կպաշտպանի ձեզ։ Չնայած Խեցգետինները բնավորությամբ ագրեսիվ չեն, նրանց մայրական բնազդը լավ է զարգացած․ նրանք թույլ չեն տա նեղացնել հարազատներին։
Նյութը հրապարակման պատրաստեց 168.am-ը
