Տպել
ԱՄՆ Վիսկոնս նահանգի բնակիչ Էնդրյու Տյորլին դատապարտվել է 60 տարվա ազատազրկման` իր 4-ամյա դստերը հայտարարությունների կայքում վաճառքի հանելու համար: Ենթադրվում էր, որ փոքրիկին կարելի է գնել սեքսի համար: 30-ամյա Տյորլիին դատապարտել են երեխայի առք ու վաճառքի, մարմնավաճառության հարկադրելու համար: Այս մասին հաղորդում է KHOU11news հեռուստաալիքը:
Պոտենցիալ գնորդին տղամարդը խոստացել էր տրամադրել երեխա «10 տարեկանից ցածր»: Իր աղջկա հետ 2 ժամ անցկացնելու համար տղամարդը պահանջել էր 1000 դոլլար: Նա ձերբակալվել է այն բանից հետո, երբ գնորդի դերում հանդես եկած իրավապահ մարմնի աշխատակիցը նրան տվել է գումարը եւ վերջինս իրեն ուղեկցել է աղջկա սենյակ:
Նշվում է, որ տղամարդը պետք է նստի նվազագույնը 45 տարի, որից հետո միայն կարող է ակնկալել պայմանական-վաղակետ ազատ արձակում:
