Տպել
Դերասանուհի Թամար Հովհաննիսյանի կարծիքով, այսօր իրավիճակ է փոխվել: Եթե նա նախօրեին մտահոգություն էր հայտնել, որ Սերժ Սարգսյանի վարչապետության դեմ սկսված պայքարը ավելի շատ ժամանցի է նման, այդպես հեղափոխություն անել չի լինի, ապա այսօր կարծում է. «Այսօր իրավիճակը կտրուկ փոխվեց: Ինձ գոհացնելը էական չէ, չնայած ես հիմա փողոցում եմ, շարժվում եմ դեպի Ֆրանսիայի հրապարակ, մենք բոլորս ունենք մի պայքար, պայքարը չի լինում սրանը, նրանը: Ինքը կարողանում է, թող կարողանա, կանաչ ճանապարհ մինչեւ վերջ մեզ բոլորիս իր հետ միասին: Այսօր իրավիճակը փոխվել է ու որոշակի հույսեր է ներշնչում, որ կկարողանանք, ամենայն հավանականությամբ, կանխել այդ հանցագործների երկարակեցությունն ու վերարտադրությունը, բայց եթե նույնիսկ չկարողանանք դա անել, դարձյալ այս ամենը, ինչ տեղի է ունենում, դրական է»:
Ամբողջությամբ՝ aravot.am
