Տպել
Զուգարանի թուղթը անձնական հիգիենայի իր է, առանց որի անհնար է պատկերացնել ժամանակակից մարդու կյանքը: Սակայն վերջերս փորձագետները հայտարարել են, որ այն իրականում հիգիենիկ չէ և ընդհանրապես վտանգավոր է մարդու առողջության համար: Այն պատճառով, որ այն ամբողջությամբ չի մաքրում կեղտի մնացորդները. ընդհակառակը, այն միայն նպաստում է հիվանդածին մանրէների տարածմանը:
The Sun-ը, հղում անելով «Մեծ կարիք» գրքի հեղինակ Ռոուզ Ջորջին գրում է, որ ավելի լավ է հրաժարվել զուգարանի թղթից: Հակառակ դեպքում միզուղիների վարակ և հետանցքի ճաքեր ստանալու վտանգ կա: Դրա փոխարեն փորձագետն առաջարկում է բիդեից օգտվել կամ երեխաների համար նախատեսված խոնավ անձեռոցիկներից:
«Չէ որ, դուք ամեն օր ցնցուղ եք ընդունում, այլ ոչ թե չոր սրբիչով եք սրբվում: Այդ դեպքում՝ ինչու եք մտածում, որ չոր զուգարանի թուղթը կարող է մաքրել»,- նշում է Ջորջը:
Կնոջ տեսակետը կիսում է նաև գաստրոէնտերոլոգ Պարտա Նանդին: Բժիշկը վստահ է, որ զուգարանի թղթի փոխարեն բիդեի օգտագործումը նվազեցնում է թութքի զարգացման վտանգը, որը երբեմն առաջանում է չափազանց ինտենսիվ շփումից: Իհարկե բիդեն կա ոչ բոլոր տներում և հասարակական զուգարաններում, ուստի բժիշկը խորհուրդ է տալիս միշտ խոնավ անձեռոցիկներ ունենալ:
