«Աշոտ անունով ոստիկանին դիմած ցուցարարը չաշխատող տեխնոլոգիա է կիրառել». Աշոտ Ահարոնյան. aravot.am

Մեզ հասած տեղեկությունների համաձայն, ոստիկան Աշոտը՝ Բաղրամյան պողոտայում նկարահանված հայտնի տեսանյութի հասցեատերը, աշխատանքից հեռացվել է իր հարազատների՝ ցույցերին մասնակցելու պատճառով:

Aravot.am-ը այս տեղեկությունը ճշտեց ՀՀ ոստիկանության հասարակայնության և լրատվության վարչության պետ Աշոտ Ահարոնյանից: Նա հերքեց այդ լուրը:

«Դա զանգվածային միջոցառումների և անկարգությունների ժամանակ կիրառվող բավական հին, այլևս չաշխատող տեխնոլոգիա է, խնդրում եմ լուրջ չվերաբերվել անլուրջ ասեկոսեներին ու հայտարարություններին: Նույն հաջողությամբ երիտասարդը կարող էր օգտագործել Արմեն, Արթուր անունները, այդքան ոստիկաններից մեկը հաստատ կլիներ: Դա պրիմիտիվ և հին տեխնոլոգիա է»,- ասաց պարոն Ահարոնյանը: Ըստ նրա՝ ցուցարար երիտասարդը Աշոտին ուղղված կոչով նպատակ է ունեցել «իբր հոգեբանական ճնշում գործադրել ոստիկանի վրա». «Հին է, չաշխատող ու բավական պրիմիտիվ»:

Ամբողջությամբ՝ aravot.am