Տպել
Սպարտակ Սեյրանյանի գրառումը. «Ռավի Շանկարն ասում էր. «Քանի դեռ թիավարել չես սովորել, նավակը փոխելն անիմաստ է»: Նույն տրամաբանությամբ, անիմաստ է փորձել փողոցի կեղտը մաքրել, եթե ինքդ քո տունը խոզանոց ես սարքել, եթե ինքդ քո մեջ մաքրություն չունես: Որովհետև մաքրություն սիրող մարդը նախ իր տունը, իր մտքերը, իր հոգին է մաքրում, հետո նոր անցնում ուրիշներին:
Որովհետև պիտի մաքուր լինես, որ մաքուրն ու կեղտոտը զանազանես: Հակառակ հերթականությունը չի աշխատում: Հակառակ պարագայում չկա երաշխիք, որ դու իրոք բոլորի համար ես տարածքը մաքրում, այլ ոչ թե անձամբ քո: Որովհետև, համաձայնեք, հսկայական տարբերություն կա, երբ մարդ արդարություն է ուզում` ընդհանրապես ու բոլորի համար, և, երբ մարդ ուզում է, որ կոնկրետ իր հանդեպ արդար լինեն, ընդ որում` արդարության մասին իր պատկերացումով ու իրեն ձեռնտու տարբերակով»:
