Տպել
Հայաստանի վարչապետի թեկնածու Նիկոլ Փաշինյանը գտնում է, որ Հայաստանի ազգային փոքրամասնությունները երկրի պետական ինքնության անբաժան մասն են, և նրանց իրավունքները Հայաստանում պետք է լինեն լիարժեքորեն պաշտպանված:
Ազգային ժողովում ընթացող քննարկումների ժամանակ, պատասխանելով ՀՀԿ խմբակցության պատգամավոր Ռուստամ Մախմուդյանի հարցին, թե արդյոք գործող իշխանությունների կողմից ազգային փոքրամասնությունների իրավունքներում բացթողումներ կա՞ն և ինչպե՞ս պետք է դրանք վերացվեն, Նիկոլ Փաշինյանը պատասխանեց, որ Հայաստանում ազգային փոքրամասնությունների իրավունքները վատ վիճակում չեն, բայց մի ոլորտում փոքրամասնության ներկայացուցիչների համար հնարավորությունները էականորեն սահմանափակված են: «Դա ընդդիմադիր քաղաքական գործունեություն ծավալելու հնարավորությունն է: Կարծում եմ, որ դա ամենամեծ թերություններից մեկն է: Ինչպես ՀՀ բոլոր քաղաքացիների, այնպես էլ ազգային փոքրամասնությունների ներկայացուցիների համար երաշխավորում եմ հասանելիություն բոլոր իրավունքներին, այդ թվում ` ընդդիմադիր քաղաքական գործունեություն ծավալելու իրավունքին»,- ընդգծեց Փաշինյանը:
Մահմուդյանը հակադարձեց՝ նշելով, որ 2007, 2012 խորհրդարանական ընտրություններին տարբեր ազգային փոքրամասնության ներկայացուցիչներ ընդգրված են եղել ընդդդիմադիր կուսակցությունների ցուցակում:
