Տպել
Խնդրում եմ ինձ սպասել Հանրապետության հրապարակում, Ազգային ժողովի ամբիոնից դիմելով հրապարակում հավաքված քաղաքացիներին ասաց վարչապետի թեկնածու, «Իմ Քայլը» շարժման ղեկավար Նիկոլ Փաշինյանը:
«Թույլ տվեք ողջունել հրապարակում կանգնած հարյուր հազարավոր մարդկանց և արձանագրել, որ նրանց հաղթանակը որևէ կերպ չի կարող կասկածի տակ դրվել»,- ասաց Նիկոլ Փաշինյանը:
Նա նշեց` այսօրվա քննարկումներում ԱԺ «Հանրապետական» խմբակցությունն ինքն իրեն ոչնչացրեց:
«Սեփական ժողովրդին պատերազմ հայտարարող ուժն ընդհանրապես չի կարող գոյություն ունենալ»,- ասաց Ն. Փաշինյանն` ընդգծելով, որ ճգնաժամից դուրս գալու համար մի ելք կա, քիչ անց ճիշտ քվեարկություն կատարել:
«Ես չեմ ուզում դիմել «Հանրապետական» խմբակցությանը որպես մի ամբողջություն, որովհետև այդ ամբողջությունն այլևս գոյություն չունի, ես ուզում եմ դիմել պատգամավորներին որպես անհատներ` ձեր քաղաքական ուժը հատել է ինքնաոչնչացման այն սահմանը, որից այլևս վերադարձ չկա և ես ուզում եմ դիմել ձեզանից յուրաքանչյուրին` հստակ ընդգծելով, որ դուք դեռևս ունեք հնարավորություն այդ սահմանը չհատելու և սա ասում եմ՝ առանց որևէ սպառնալիքի կամ կիրք բորբոքելու: Դուք ընդամենը խաղում եք ժամանակի վրա ու դա արժանապատիվ չէ այն կուսակցության համար, որը վերջին 20 տարում եղել է իշխանության մեջ և անընդհատ բոլոր ամբիոններից պնդել է, թե առաջնորդվում է երկրի ազգային շահով»,- ասաց Նիկոլ Փաշինյանը:
Ամբողջությամբ՝ aysor.am
