Տպել
Հայաստանի հանրապետական կուսակցությունը համապատասխան քանկի ձայներով կաջակցի վարչապետի պաշտոնում Նիկոլ Փաշինյանի ընտրությանը։ Այդ մասին ՀՀԿ ԳՄ նիստից հետո լրագրողներին ասել է ԱԺ փոխնախագահ Էդուարդ Շարմազանովը։
«Մենք օժանդակելու ենք պատգամավորների մեկ/երրորդի առաջադրած թեկնածուին, տվյալ դեպքում Նիկոլ Փաշինյանին»,- ասել է Շարմազանովը և հավելել. «Նրա օգտին հավաքագրվել է 45 ստորագրության, և ՀՀԿ-ն համապատասխան քանակի ձայներով կապահովի, որ նա դառնա վարչապետ»։
Ըստ Շարմազանովի, իրենք են հորդորել, որ մի քանի պատգամավորներ կողմ քվեարկեն։ «Այստեղ որևէ պառակտում չկա, սա մեր կոլեկտիվ որոշումն է։ Կարող է ութ լինել, կարող է 10 կամ 11 ձայն լինել»,- ասել է նա։ ՀՀԿ խոսնակը, սակայն, չի նշել, թե ովքեր են կողմ քվեարկողները լինելու, այդ մասին վաղվա նիստում կասի ՀՀԿ խմբակցության ղեկավար Վահրամ Բաղդասարյանը։
Շարմազանովը նաև հերքեց տեղեկությունները, թե ՀՀԿ ԳՄ նիստում վիճաբանություն է եղել։
