Տպել
Խոյ: Երբ կենդանակերպի այս նշանի ներկայացուցիչները գիտեն՝ ինչ են ցանկանում և ինչ նպատակներ ունեն, ոչնչից չեն վախենում: Առաջին քայլը խնդիր չէ նրանց համար, նյարդային լարվածություն, սթրես չի առաջացնում: Իրենց ցանկություններն իրականացնելիս Խոյերը, որպես կանոն, ագրեսիա չեն ցուցաբերում, ձգտում են մյուսներին վնաս չպատճառել:
Կենդանակերպի այս նշանի ներկայացուցիչները գիտեն, որ ամեն ինչ միայն իրենցից է կախված, և ոչ ոքի չեն մեղադրի սեփական անհաջողության համար: Նրանք վստահ են, որ կարող են ստանալ ամենը, ինչ ցանկանում են: Երբ կենդանակերպի այս նշանի ներկայացուցիչները տեսնում են սեփական գործողությունների դրական արդյունքները, դա ավելի է մոտիվացնում նրանց, լավատեսություն հաղորդում:
Առյուծ: Ամենավստահելի նշաններից մեկն են: Գիտեն իրենց արժեքը, չեն վախենում պարծենալ իրենց նվաճումներով, ուժեղ կողմերով: Համառորեն քայլում են սեփական նպատակներին ու երազանքներին հասնելու ճանապարհով՝ ոչ մի խոչընդոտի թույլ չտալով խանգարել իրենց: Շատերը, հատկապես՝ Առյուծների ընկերները, գնահատում են նրանց ուժեղ, նպատակասլաց բնավորությունը:
Առյուծը կարող է անել առաջին քայլը, եթե իսկապես վստահ է, որ դա անհրաժեշտ է: Կենդանակերպի այս նշանի ներկայացուցիչները նախաձեռնողականություն են ցուցաբերում հատկապես անձնական կյանքում: Նրանք հեշտությամբ ծանոթություն են ձեռք բերում մարդկանց հետ, հարաբերությունները զարգացնում իրենց ցանկացած ուղիով:
Կարիճ: Կարիճները կարող են չափազանց համառ թվալ, երբ խոսքն առաջին քայլի մասին է, բայց նրանք միայն ցանկանում են շահավետ տպավորություն թողնել: Կենդանակերպի այս նշանի ներկայացուցիչների համար կարևոր է իմիջը: Նրանք պաշտում են նոր հարաբերություններին բնորոշ հուզմունքը, այդ պատճառով էլ նախաձեռնողականություն են ցուցաբերում:
Եթե կենդանակերպի այս նշանը հավանում է ձեզ, ձեզ հաճոյախոսություններով հիացնելու կամ ձեզ հետ խոսակցություն սկսելու համար նա կանի հնարավոր ամեն բան: Կարիճները յուրահատուկ մարդիկ են, ու թեև նրանց հաճախ են սառը, կոպիտ համարում, նրանց ներաշխարհն այլ է:
Այծեղջյուր: Այծեղջյուրները կենդանակերպի ամենալուրջ նշանն են, հատկապես, երբ խոսքն անձնական կյանքի մասին է: Նրանց հետաքրքիր չեն ինտրիգները. կենդանակերպի այս նշանի ներկայացուցիչները կայունություն, երիկարատև հարաբերություններ են փնտրում: Նրանք համարձակորեն առաջին քայլն են անում, եթե լուրջ մտադրություններ ունեն:
Երբ որևէ մեկին հաջողվում է մտնել Այծեղջյուրի սիրտը, նրա համար դժվար է մտածել որևէ այլ բանի մասին: Այծեղջյուրը չի հանգստանում, մինչև չի հասնում իր ուզածին: Նա ձգտում է վերահսկել ճանապարհը, և ոչ թե՝ նստել ետևի նստարանին: Նրանք ամբողջ ուժով փորձում են կանխատեսել խնդիրները և լուծել դրանք: Իսկ երբ Այծեղջյուրները գոհ չեն հարաբերություններից, նրանց ոչինչ չի խանգարի «զրոյացնել» դրանք:
Նյութը flytothesky.ru-ից հրապարակման պատրաստեց 168.am-ը
