Տպել
Կարեն Կարապետյանը ֆեյսբուքյան իր էջում գրում է. «Ոչ մի աշխատանք ամոթ չէ։ Աշխատունակ տղամարդու համար առավել ամոթը չաշխատելն է։ Սակայն ՀՀ անկախ պետականության համար ամոթ է, երբ Սամսոն Ղազարյանը տաքսի է վարում։ Դա կարող է ապագա սերունդների կողմից անարգանք դառնալ ՀՀ բոլոր ժամանակների իշխանությունների համար։ Վերջապես Ղարաբաղ կոմիտեն բաղկացած էր 11 հոգուց, ովքեր հիմքը դրեցին թե ՀՀ, և թե Արցախի անկախությանը։ Եվ Սամսոն Ղազարյանն այդ 11 հոգուց մեկն էր։
Կարծում եմ, այդ մարդկանց պետք է նշանակվի այնպիսի պետական թոշակ, որ գոնե զերծ մնան հանապազորյա հացի խնդիր լուծելու հոգսից։ Ողջունելի է մեծամասամբ երիտասարդներից բաղկացած կառավարության կազմը, բայց եթե մոռանանք այն մարդկանց, որոնց շնորհիվ պատմություն ու անկախություն է կերտվել, վաղը կիմաստազրկվի ցանկացած մեկ այլ արժեք։ Կարծում եմ արժե այս մասին մտածել»։
