Տպել
«Ողջ մնալու արվեստ» հասարակական կազմակերպության նախագահ, առաջին հետախուզադիվերսիոն խմբի հիմնադիր Վովա Վարդանովը ճիշտ չի համարում այն, որ այսօր բարձր պաշտոններում նշանակվել են մարդիկ, ովքեր զինվորական ծառայություն չեն անցել:
«Ժամանակին ես երկու թեզ եմ առաջ տարել, որից մեկն այն է, որ պետական պաշտոն կարող է զբաղեցնի միայն ՀՀ-ում իսկական ծառայած մարդը: Ինչ տեղի է ունենում, բնական է՝ ինձ դուր չի գալիս: Նիկոլ Փաշինյանը պետք է զգույշ ընտրեր այդ մարդկանց»,- նշեց Վ. Վարդանովը:
Ըստ նրա՝ սրանով նաև հեղափոխությունն է կասկածի տակ դրվում. «Այս շարժումը, որ տեղի էր ունենում, ինձ դուր էր գալիս, որովհետև երիտասարդությունը պետք է կարողանա ճանապարհ հարթի իր համար նաև քաղաքական դաշտում, ու եթե այդ ամեն ինչը բերելու է նրան, որ այս երկիրը կործանվի կամ դառնա Թուրքիայի վիլայեթ, ես դրան էնքան էլ կողմնակից չեմ, կարելի է նաև քարկոծել նման ուղղությամբ մեզ տանողներին»:
Մանրամասները՝ 168.am-ի տեսանյութում:
Անի Քեշիշյան
