Տպել
Օրեր առաջ հայտնի դարձավ, որ դերասանուհի Դիանա Գրիգորյանը նշանադրվել է, իսկ այսօր դեասանուհին Life.panorama.am-ին փոքրիկ բացահայտումներ է արել ընտրյաի մասին, ինչպես նաև խոսել սպասվող հարսանիքից:
«Ճիշտն ասաց՝ անձնական կյանքի մասին երբեք չեմ սիրել խոսել, քանի որ համարում եմ, որ դա միայն իմ տիրույթն է և բոլորինը դարձնել պետք չէ: Միաժամանակ՝ հասկանում եմ, որ մարդիկ հետաքրքրվում են, ինչը շատ նորմալ է, այդ իսկ պատճառով իմ կյանքում կատարված կարևոր իրադարձությունների մասին ինքս եմ հայտնում, ինչը եղավ նշանադրության պարագայում»,- նշեց Դիանան:
Խոսելով ընտրյալի մասին՝ դերասանուհին պատմեց.
«Ինչպես նշեցի՝ անձնականին վերաբերող հարցերում նախընտրում եմ քիչ խոսել, հետևաբար նրա մասին շատ պատմել ևս չեմ ուզում: Մենք ծանոթացել ենք անցած տարի սեպտեմբերին: Ծանոթության առաջին իսկ պահից ամեն ինչ իր ճիշտ հունով ընդանալու արդյունքում՝ վերջերս կայացավ մեր նշանադրությունը: Ընտրյալս ինձնից մեծ է մեկ տարով»:
Դիանան չցանկացավ նշել, թե սիրելին ինչ մասնագիտություն ունի, բայց նաև նկատեց.
«Նա իմ մասնագիտությունից բավականին հեռու է, բոլորվին կապ չունի իմ ոլորտի հետ»:
Դիանա Գրիգորյանից հետաքրքրվեցինք, թե երբ է սպասվում հարսանիքը.
«Ժամկետներ նշել այս պահին չեմ կարող, բայց հաստատ կարող եմ ասել, որ հարսանիքը սարերի հետևում չէ»,- նկատեց նա:
Հարցին, թե ընտրյալը դեմ չէ՞ իր մասնագիտությանը և արդյոք Դիանան կշարունակի նկարահանվել, պատասխանեց.
«Ընտրյալս դեմ չէ, այդ առումով արգելքներ չկան, բայց ես ինքս եմ նախընտրում գոնե որոշ ժամանակով հեռանալ ասպարեզից: Կնոջ կյանքում գալիս է մի պահ, երբ նա պետք է ամբողջությամբ տրվի իր երջանկությանն ու ընտանիքի կառուցմանը: Համենայն դեպս ես այդպես եմ մտածում: Այս պատճառով մի որոշ ժամանակ ես չեմ նկարահանվի և կփորձեմ ամեն ինչ անել, որպեսզի կառուցեմ իմ երազած ընտանիքը»:
Զրույցի վերջում Դիանան նաև իր շնորհակալույթունը հղեց.
«Այս օրերին այնքան շատ էին շնորհավորանքները, որ անգամ չեմ հասցնոււմ բոլորին պատասխանել: Ուզում եմ ասել, որ շատ շնորհակալ եմ այդքան ջերմ բարեմաղթանքների և հետաքրքրվածության համար: Սրտանց ուզում եմ, որ բոլոր աղջիկները զգան այն երջանկությունը, որ ես հիմա ունեմ»:
