Տպել
Մեծ Բրիտանիայի Միդլսբրո քաղաքի բնակիչ Քրիս Սքոթն իր այգում Երկրորդ համաշխարհային պատերազմի ժամանակների բունկեր է հայտնաբերել: Այս մասին հայտնել է Evening Gazette-ը:
Տղամարդն այգում աշխատելիս հին դրենաժային կափարիչ է հայտնաբերել: Շինարարի հետ նա բացել է այն և գտել բետոնե ռմբապաստարան՝ երկու սենյակներով և վթարային ելքով:
«Այնտեղ կային բազմաթիվ էլեկտրական սարքեր և տարբեր անջատիչներ: Սենյակներից մեկում մեծ սեղան էր դրված՝ ծածկված փառով, դրա դարակներում անշուշտ այն ժամանակներից ինչ-որ բան է մնացել»,- պատմել է Սքոթը: Նրա խոսքով՝ ապաստարանը նախատեսված է եղել հարյուր մարդու համար:
«Հարևաններն ինչ-որ բան էին ասում, որ մերձակայքում բունկեր կա, բայց ես ինչ-որ նշանակություն չէի տալիս նրանց խոսքին»,- հավելել է բրիտանացին: Նա պլանավորում է վերակառուցել բունկերը:
