Տպել
Գարի Դավթյանի հայտնի թատրոնը Թբիլիսիի Հավլաբար թաղամասի հին տներից մեկում է։ Մարդիկ աշխարհի տարբեր ծայրերից այստեղ են գալիս նրա պատրաստած տիկնիկները տեսնելու համար։
Ֆրանսիացի դերասան և ռեժիսոր Պիեռ Ռիշարը նույնպես եղել է այս տանը։ Այս մասին Sputnik Արմենիայի հետ զրույցում ասաց Դավթյանի կինը՝ Ժաննա Դավթյանը։
1995 թվականին Պիեռ Ռիշարը Վրաստան է մեկնել՝ նկարահանումների։ Երբ նա իմացել է հայտնի տիկնիկագործ Գարի Դավթյանի մասին, որոշել է այցելել նրան ու ծանոթանալ նրա տիկնիկների հետ։
«Նրանք ասես կենդանի լինեն», – բացականչել է դերասանն ու համբուրել բոլոր տիկնիկներին։
Հեռանալիս նա սփռոցի վրա գրել է․ «Այստեղ է եղել Պիեռ Ռիշարը»։
