Ներկայացվել է թևնոց, որն օդի միջոցով  կլիցքավորի սմարթֆոնը

BandCharge թևնոցի հեղինակները նշում են, որ այն կարողանում է լիցքավորել սմարթֆոնն առանց լարերի, երբ հեռախոսը պարզապես օգտատիրոջ ձեռքում է: Նախագծի պաշտոնական կայքում շատ հակիրճ տեղեկատվություն է տեղադրված։  Ըստ հեղինակների՝  թևնոցն ունի հատուկ ընդունիչ, որն արձակում  է ռադիո հաճախականության ազդանշան: Սմարթֆոնն ընդունում է այդ ազդանշանը և վերածում է այն էներգիայի:

Սա թևնոցի հնարավորությունների միայն մի փոքրիկ մասն է: Այժմ նախագծի հեղինակները թաքցնում են մանրամասները։

Ամենայն հավանականությամբ, սմարթֆոնի մեջ կտեղադրվի հատուկ ընդունիչ, որին թևնոցը կուղարկի ազդանշան: Ներայացված լուսանկարներում և տեսանյութերում երևում է, որ թևնոցը սմարթֆոնը կարողանում է լիցքավորել 15-20 սմ հեռավորության վրա:

Թևնոցի մեջ կարելի է տեղադրել նաև  microSD հիշողության քարտ և առանց լարային ինտերֆեյսի ստանալ թևնոցի տեղեկատվությունը սմարթֆոնի վրա: Նշվում է, որ թևնոցը կաշխատի  iOS և Android օպերացիոն համակարգերում:

Սիրարփի Աղաբաբյան