Տպել
Հրանտ Մելիք-Շահնազարյանի գրառումը.
ԱԱԾ տեսանյութը գիշերվա վատ երազ, կարծես, լինի։ Էն որ ոչ մի ձև չես կարող մտքիցդ հանել։ Էն որ ամեն անգամ նորից հիշելուց ուզում ես գոռաս, ջարդես, սպանես…
Իմ սպասածից մի քիչ ավելի շուտ հասանք կարևոր ջրբաժանին։ Հոկտեմբերի 27-ի ու Մարտի 1-ի գործին ևս մեկ կարևոր գործ ավելացավ։ Ու այս գործը շատ անաչառ քննություն է պահանջում։ Այնքան, որ ոչ մեկի մոտ կասկածի նշույլ անգամ չմնա։ Հակառակ դեպքում Նիկոլ Փաշինյանին էլ, իրանից հետո եկող իշխանություններին էլ (եթե մինչ այդ ամբողջը չբացահայտվի) մոտավորապես նույն հեղինակազրկումն է սպասում, որին այսօր Մանվել Գրիգորյանն արժանացավ։ Հասարակության շրջանում հարցեր կան և այդ հարցերին հստակ պատասխաններ պիտի տրվեն։ Ով խանգարեց այդ քննությանը, գիտենք թե ինչ է։ Ով փորձեց շահարկել այդ թեման ու խաղեր տալ, նույնից է։ Այո, ջրբաժանին ենք հասել, իսկ դա նշանակում է, որ ամեն մեկը կոնկրետ ապացուցելու բաներ ունի՝ և՛ ներկա, և՛ նախկին իշխանությունները։
