Տպել
«Հայաստան» համահայկական հիմնադրաի գործադիր տնօրեն Արա Վարդանյանի հրապարակումը.
«Առավոտյան արթնացա, սարսափելի երազ էի տեսել, մտա ՖԲ ու հասկացա, որ երազ չէր: Մեկը ասում ա կախել, մյուսը գնդակահարել, մեկ ուրիշը` ցմահ նստացնել, իսկ ես կասեմ` ՄՏԱԾԵԼ: Մտածել նրա մասին, որ այս մարդը ապրում և արարումա մեր հասարակության մեջ:
Լավ, ուր ենք հասել, ուր ենք գնում… Մեկ տարի առաջ տված հարցազրույցում ասել եմ` մեր հասարակությունը կարծես թե մոռանում է, որ գրեթե ամեն օր մեր երեխաներին սպանում են սահմաններին, իսկ հասարակության մի մեծ մաս զբաղված է էլ ավելի ճոխ հարսանիք կազմակերպելով, էլ ավելի թանկ շոր գնելով, էլ ավելի ճչացող հագուստ հագնելով, էլ ավելի լպիրշ պահվածքով:
Մենք պետք է փոխենք մեր հասարակական մոտեցումը` հարուստ լինելը լավ է նրանով, որ կարող ես շատ մարդու օգնել, այլ ոչ թե ի ցույց դնես հարստությունդ: Բոլորս պետք է փոխվենք, բոլորս: Երբ հասարակությունը փոխվի, այլևս երբեք չենք ունենա նման մարդկանց: Փառք ու պատիվ մեր բոլոր զինվորներին»:
