Տպել
«You!» ամսագիրն առաջարկում է փորձված միջոցներ և ճիշտ մոտեցում՝ հարստությունը մեր կյանք բերելու համար:
Սա գուցե միանգամից հասկանալի չլինի: Այսօրվա աշխարհում մարդկանց մեծամասնությունը համոզված է, որ հաստությունը չափվում է բանկերում ունեցած խնայողություն-գումարով կամ վարկերի բացակայությամբ: Իհարկե, այսօր դժվար է հարուստ կոչվել, եթե գոնե ինչ-որ չափով խնայած գումար չունես, սակայն պետք է հիշել, որ հարստությունը գալիս է այն մարդու կյանք, ով ոչ թե ուղղակի գումար է վաստակում, այլ իրեն համարում է անհրաժեշտ գումարը վաստակած մարդ:
Մտածեք այդ մասին: Որքա՞ն գումար է անհրաժեշտ ձեր ցանկությունն իրականություն դարձնելու համար: Որքա՞ն գումար է անհրաժեշտ ձեր կյանքի համար: Մտածեք ու զգացեք այդ պահը, պահեք այդ զգացումները, և հենց դա կլինի այն էմոցիան, որ կօգնի ձեզ գումարը ձեր կյանք բերել:
Ծանոթացեք ձեր գումարի հետ
Հաճախ մենք ուղղակի չենք կարողանում կառավարել մեր հաշիվները: Վախենում ենք բանկերից, տոկոսային ռիսկերից, վախենում ենք, որ շուտով ամեն բան կփոխվի, և մենք կհայտնվենք կոտրած տաշտակի առաջ: Բայց արդեն ժամանակը եկել է: Մենք պետք է փոխենք աշխարհը մեր շուրջը:
Այժմ արդեն մենք գիտենք մեր ֆինանսական հնարավորությունները, գիտենք՝ ինչպես է պետք հաշվարկներ կատարել, ինչպես օգտվել բանկերից և փոխանցման համակարգերից:
Սկսեք ճիշտ խնայել
Գումար խնայելն ավելի հետաքրքիր է, քան աննպատակ ծախսելը: Մարդիկ չեն սիրում խնայել, քանի որ չեն ուզում զգալ ինչ-որ բանում իրենց սահմանափակելու ցանկությունը: Փորձեք խնայել այլ կերպ: Խնայեք այնքան, որքան մնացել է այն գումարից, որը դուք ծախսել եք ձեր կարիքները հոգալու համար: Այսինքն՝ ոչ թե փոխեք խնայելու կարգը, այլ ձեր պատկերացումները դրա մասին: Ի դեպ, խնայողություն կատարելն ավելի հեշտ է, երբ գումարը ոչ թե ձեր ձեռքին է, այլ բանկում:
Մոռացեք ձեր վախերը
Լայն մտածեք, մի վախեցեք կորցնել: Օգտվեք ժամանակակից բանկերի առաջարկած բոլոր հնարավորություններից, օրենքով ձեզ տրված իրավունքներից: Նոր գործ հիմնեք, զարգացրեք նախկինները: Մի վախեցեք կորցնել դեռ չսկսած գործը: Վստահ եղեք, և ձեր նախագիծը հաջողությամբ կպսակվի:
Զգացեք այն իրերի ճոխությունը, որոնք ձեզ շրջապատում են
Ի՞նչ է սա նշանակում: Դուք տիրում եք աշխարհին, լուսաբացներին և մայրամուտներին, քաղաքի հրաշալի տեսարանին, բնության հիասքանչ պատկերներին: Գնահատեք այդ ամենը և կհասկանաք, թե որքան հարուստ եք իրականում:
Երբ ձեր հոգում կգիտակցեք ու կպահպանեք ոչ նյութական հարստության էմոցիաները, այդ ժամանակ դուք կբացեք ձեր առաջ ճանապարհը դեպի նյութական հարստություն:
Սիրարփի Աղաբաբյան
