Տպել
Շաբաթ օրվա Կազանի խաղը, որը հյուրընկալել էր Ֆրանսիայի և Արգենտինայի հավաքականներին, իրոք նյարդային էր։ Սակայն ամենահիմնական արգենտինացի երկրպագուն՝ Դիեգո Մարադոնան, փորձում էր իրեն չափի մեջ պահել, – գրում է Daily Star-ը։
Նիգերիայի հետ Արգենտինայի խաղից հետո, որտեղ նախկին ֆուտբոլիստը իրեն անվայել էր պահել, այս անգամ նա որոշել էր զերծ մնալ բուռն զգացմունքներ արտահայտելուց՝ դրա փոխարեն ընտրելով կրքոտ համբույրները։
Հենց այդպես 57-ամյա Դիեգոն նախընտրել էր նշել գոլերը 27-ամյա մոդել Ռոսիո Օլիվայի հետ։ Սիրահարները չեն քաշվել ի ցույց դնել իրենց զգացմունքները ընկերների և արգենտինական աստղի գործընկերների ներկայությամբ։
Իհարկե, Մարադոնայի հանգստությունը չօգնեց նրա թիմին քառորդ եզրափակիչ անցնել։ Արգենտինայի հավաքականը 4:3 հաշվով զիջեց ֆրանսիացիներին և լքեց աշխարհի առաջնությունը։
