Տպել
Որոշ բաներ դեժավյու են հիշեցնում. ԱԺ-ում պատասխանելով լրագրողների հետ հարցին, թե քաղաքական հետապնդման տա՞րր տեսնում է ԱԱԾ-ի գործողությունների մեջ, ասաց ՀՀԿ ԳՄ անդամ, նախկին Արդարադատության նախարար Դավիթ Հարությունյանը:
Հարցին՝ թե կոնկրետ ո՞ր թվերի՝ Հարությունյանը պատասխանեց՝ 2008 թ-ի: Դավիթ Հարությունյանը նշեց, որ գնահատական կտա, երբ «մի քիչ ավելի պրոցեսները զարգանան»:
Հարցին՝ «Ապօրինի հարստացման մասին» օրենքը ճի՞շտ է կիրառվում, հաշվի առնելով, որ Վաչագան Ղազարյանին են ձերբակալել այդ հոդվածով, Դավիթ Հարությունյանը պատասխանեց, որ քանի ընթանում է նախաքննություն, չի կարող որևէ կարծիք արտահայտել, որովհետև կարծիք արտահայտելու համար պետք է բազմաթիվ մանրամասներին տիրապետել:
«Այդ հոդվածները լուրջ և խորը իրավական վերլուծության կարիք ունեցող հոդվածներ են: Երբ մենք ժամանակին ներմուծում էինք այդ հոդվածները, Արփինե Հովհանիսյանը ներմուծում էր, մենք կառավարությունում շատ ակտիվ դա քննարկում էինք ու հասկանում էինք, որ դա այն գործիքն է, որն ունի բազմաթիվ խութեր և այդ խութերը կիրառողի պրոֆեսիոնալիզմից շատ բան է կախված: Եթե հիշում եք, երբ հարցրեցինք՝միանգամից փոխվելո՞ւ է, ես ասացի՝ միանգամից չէ, բայց տարիների ընթացքում՝ այո, որովհետև այն հուլիսի 1-ից ուժի մեջ պետք է մտնի, ենթադրում է որոշակի ցիկլերի մեջ մտնել: Կոնկրետ Վաչագան Ղազարյանի գործով ինչ իրավիճակ է, ես հիմա չեմ կարող ասել»,-ասաց նա:
Ամբողջությամբ՝ tert.am
