Տպել
Նյու Յորքում 90 տարեկանում կյանքից հեռացել է ամերիկացի նկարիչ և գրող Սթիվ Դիտկոն, որը հայտնի է որպես Սարդ-մարդու, Դոկտոր Սթրեյնջի, Հալքի, Երկաթե մարդու և մի շարք այլ հայտնի կերպարների ստեղծող:
The Hollywood Reporter-ը հաղորդում է, որ նկարչի մահվան մասին տեղեկությունը հաստատել են Նյու Յորքի ոստիկանությունում:
Աղբյուրի հաղորդմամբ՝ Դիտկոյին մահացած են հայտնաբերել նրա բնակարանում դեռ հունիսի 29-ին, սակայն այդ մասին հայտնի է դարձել միայն այժմ:
Նշվում է, որ Դիտկոյի դին հայտնաբերելու պահին նա արդեն մահացած է եղել արդեն ենթադրաբար երկու օր: Մահվան հստակ պատճառի մասին տեղեկություններ չեն հաղորդվում:
Հայտնի է, որ Դիտկոն երկար ժամանակ համագործակցել է կոմիքսներ թողարկող Marvel Comics ամերիկյան ընկերության հետ և դարձել մի շարք հանրաճանաչ կերպարների հեղինակը:
