Սպերմոգրամմա. սպերմայի հետազոտություն

Սպերմոգրամմա . տղամարդու սերմի (սպերմայի)` սերմնահեղուկի հետազոտություն: Սպերմոգրամման թույլ է տալիս որոշել սերմի քանակությունը, բաղադրությունը, դրանում սպերմատոզոիդների քանակությունը, վիճակը և շարժունակությունը:

Սպերմոգրամմա հաճախ նշանակվում է անպտղության տղամարդկային գործոնը որոշելու համար, քանի որ էական պատկերացում է տալիս սերմի վիճակի և բեղմնավորող ունակության մասին: Իրականում ցանկալի է այս հետազոտությանը դիմել պարբերաբար, քանի որ այն թույլ է տալիս հասկանալ տղամարդու սեռական առողջության վիճակը: Սպերմոգրամման իրականացվում է նաև նախատեսվող արտամարմնային բեղմնավորում կատարելուց առաջ կամ սպերմայի դոնորության դեպքում:

Ինչպե՞ս պատրաստվել և իրականացնել հետազոտությունը

Ինչպես ցանկացած այլ հետազոտության դեպքում, այս դեպքում ստացվող արդյունքների ճշգրտությունը նույնպես կախված են հետազոտվող նյութի ճիշտ հավաքումից: Սերմը հետազոտության հանձնելու համար անհրաժեշտ է իմանալ.

1. Հետազոտությունից 2-5 օրեր առաջ չզբաղվել սեռական հարաբերությամբ, ինչպես նաև օնանիզմով` բայց ոչ ավելի քան` 7 օր և ոչ պակաս քան` 2 օր:
2. Նշված ժամանակահատվածում չի թուլատրվում օգտագործել ալկոհոլ, այցելել սաունա, դեղորայքի ընդունումը բժշկի ցուցումով պետք է դադարեցնել:
3. Սերմը հանձնելուց անմիջապես առաջ անհրաժեշտ է մանրակրկիտ լվանալ սեռական օրգանը: Սերմը պետք է հանձնել լաբորատորիայում տրամադրված հատուկ տարայով: Չի թուլատրվում այն հանձնել այլ, չնախատեսված տարայով:
4. Սերմը պետք է հանձնել օնանիզմի ճանապարհով: Չի թույլատրվում այն վերցնել պահպանակի մեջից կամ ընդհատված սեռական հարաբերությունից հետո:

Նշված խորհուրդներին հետևելը չափազանց կարևոր է, քանի որ ցանկացած գործոն կարող է ազդել սերմի որակի և սպերմատոզոիդների ակտիվության վրա:

Ի՞նչ արդյունքներ են ակնկալվում սպերմոգրամմա հետազոտությունից

Ընդհանուր առմամբ սերմնահեղուկն ուսումնասիրվում է ինչպես մակրոսկոպիկ (ուշադրություն է դարձվում սերմի արտաքին տեսքին, քանակությանը, գույնին, մածուծիկությանը և այլն), այնպես էլ միկրոսկոպիկ (մանրադիտակի տակ հետազոտվում է սպերմատոզոիդների քանակը, դրանց շարժունակությունը և այլն):

mymed.am