Սխտորի օշարակ՝ ինֆեկցիաների դեմ
Advertisement 1000 x 90

Սխտորի օշարակ՝ ինֆեկցիաների դեմ

Սխտորը հայտնի է՝ որպես հզոր դեղամիջոց, և օգտագործվում է բուսական բժշկության մեջ: Այն ունի բուժիչ, հակաբակտերիալ և հակավիրուսային հատկանիշներ, լավացնում է իմունային համակարգը: Սխտորի մեջ առկա եթերային յուղը հեշտորեն մաքրում է կրծքավանդակի ինֆեկցիաներն ու բուժում մրսածությունը: Հում սխտորը պարունակում է ալիցին, որը հայտնի է՝ որպես ավելի հզոր հակաբիոտիկ, քան պենիցիլինը:

Խնձորի չֆիլտրված քացախն ունի հակավիրուսային և հակաբակտերիալ հատկանիշներ: Այն նաև ունի առողջարար էնզիմներ, բակտերիաներ և հանքանյութեր, որոնք օգնում են արագ վերականգնել օրգանիզմը:

Մեղրն ունի հակաբակտերիալ և հակաբորբոքային հատկանիշներ, որոնք օգնում են հանգստացնել հազն ու բորբոքված կոկորդը:

Կրծքավանդակի բորբոքումները հանգստացնող սխտորի օշարակ:

Այս հրաշալի բաղադրատոմսն օգտագործվում է հազի, ձայնի խռպոտության և կոկորդի այլ խնդիրների դեպքում:

Բաղադրություն

  • 1գլուխ սխտոր
  • Կես բաժակ ջուր
  • Քառորդ բաժակ խնձորի քացախ
  • Կես բաժակ մեղր

Մաքրեք սխտորը, աղացեք, տեղադրեք փոքր տարայի մեջ, վրան ավելացրեք մեղրը, ջուրն ու քացախը: Խառնուրդը թողեք մնա ամբողջ գիշեր: Առավոտյան ստացված զանգվածը  քամեք և դրեք սառը վայրում:  2 ժամը մեկ օգտագործեք այս խառնուրդից 1ճ/գ՝ այնքան ժամանակ, մինչև նշանները վերանան:

Նյութը հրապարակման պատրաստեց Լիլիթ Հարությունյանը