Տպել
«Արսենալի» կիսապաշտպան Հենրիխ Մխիթարյանը խոստովանել է, որ լոնդոնյան թիմում իրեն ավելի լավ է զգում, քան նախկին ակումբում՝ «Մանչեսթեր Յունայթեդում».
««Արսենալ» տեղափոխվելու առաջին պահից զգացի թիմի ջերմությունը: Այս թիմն ընտանիքի է նման, որտեղ բոլորը միմյանց մասին հոգ են տանում:
«Արսենալը» միշտ հարձակվողական ֆուտբոլ է խաղացել:
Մոուրինյուի գլխավորությամբ «Մանչեսթեր Յունայթեդն» այլ խաղ է ցուցադրում: Ես ոչ ոքի չեմ մեղադրում կամ քննադատում: Պարզապես թիմերում խաղային փիլիսոփայությունների տարբերություն կա, բայց կարող եմ ասել, որ «Արսենալում» խաղալն ինձ ավելի է դուր գալիս, քան «Մանչեսթեր Յունայթեդում»»,- Մխիթարյանի խոսքը փոխանցում է «The Sun»-ը:
Հիշեցնենք, որ Հայաստանի ազգային հավաքականի առաջատարն այս տարվա հունվարին է «Մանչեսթեր Յունայթեդից» տեղափոխվել «Արսենալ», իսկ հակառակ ուղղությամբ տեղափոխվել է Ալեքսիս Սանչեսը: «Զինագործների» կազմում Մխիթարյանը մասնակցել է 15 հանդիպման, դարձել է 3 գոլի հեղինակ:
