«Քոչարյանին ազատելու որոշում կա, բայց պետք է ցույց տալ, որ դրա հետ համաձայն չէ Փաշինյանի կառավարությունը»

Նարեկ Սամսոնյանը ֆեյսբուքյան իր էջում գրում է. «Երեկվա ՀՔԾ պետի ասուլիս տալու վարկածներից մեկը, որի հեղինակից թույլտվություն եմ ստացել հրապարակելու.
Շատերը երեկ գրում էին, որ ՀՔԾ պետի` ՌՔ-ի նախնական կալանքի բողոքարկելու դատական նիստից մի քանի ժամ առաջ տված հարցազրույցը ճնշում էր դատարանի վրա: Իրականում վերոգրյալն, անկախ ստորև գրվելիք տարբերակից, լավ փաստարկված կարծիք է, բայց մտածել եք, որ շատ հնարավոր է, որ Քոչարյանին կալանքից ազատելու անխուսափելիության առջև կանգնած դատարանը նման որոշումից և ՀՔԾ պետի երեկվա հարցազրույցից հետո դառնալու է այդ որոշման միակ պատասխանատուն: Այսինքն համաձայն շատ փորձառու կարծիքի երեկվա ՀՔԾ պետի հարցազրույցը ապահովելու է կառավարության` այսօրվա դատարանի սպասվելիք որոշման հետ հակադիր կողմում լինելը: Ավելի մանրամասն` Քոչարյանին ազատելու որոշում կա, բայց պետք է ցույց տալ, որ դրա հետ համաձայն չէ Փաշինյանի կառավարությունը, իսկ այդ «հանցավոր հին Հայաստանի դատավորները բաց են թողնում չար գազանին»:

Հ.Գ. Վերոգրյալ վարկածը խիստ հավանական է, հատկապես այն պարզ պատճառով, որ հակառակ դեպքում ՀՔԾ պետի երեկվա հարցազրույցն ուղղակիորեն դիտարկվելու է, որպես ակնհայտ ճնշում դատարանի վրա: Եթե այդպես չլիներ Սասուն Խաչատյանը, նվազագույնը, կարող էր սպասել և դատարանի վճռից հետո նոր հարցազրույց տար: Այնպես որ՝ քիչ մնաց տեսնենք, որ տարբերակն էր»:

https://www.facebook.com/samsonyan.narek/posts/1959769224086226