Տպել
Հարձակվող Կրիշտիանու Ռոնալդուն առաջին գոլն է խփել «Յուվենտուսի» կազմում:
33-ամյա պորտուգալացի ֆուտբոլիստն իր նորամուտի` թուրինցիների երկրորդ թիմի հետ խաղի արդեն 8-րդ րոպեին է աչքի ընկել խփած գնդակով:
Հարկ է նշել, որ «Յուվենտուսը» մրցաշրջանի մեկնարկից առաջ, ավանդույթի համաձայն, ընկերական խաղ է անցկացնում «Յունետուս Բ»-ի հետ:
Հիշեցնենք` Ռոնալդուն թուրինյան ակումբ է տեղափոխվել Մադրիդի «Ռեալից» այս տարվա հուլիսի 10-ին 100 մլն եվրոյի դիմաց: Հարձակվողի պայմանագիրը նոր թիմի հետ նախատեսված է 4 տարով:
Իսպանական Պրիմերայի ավարտված մրցաշրջանում Կրիշտիանուն 27 հանդիպման է մասնակցել, դարձել է 26 գոլի և 5 գոլային փոխանցման հեղինակ:
«Յուվենտուսն» Ա Սերիայի գործող չեմպիոնն է: 2017/18 մրցաշրջանում Մասիմիլիանո Ալեգրիի սաներն անցկացրած 38 խաղում 95 միավոր էին վաստակել: Թուրինյան ակումբը տոնել է 30 հաղթանակ, 5 անգամ ոչ-ոքի է խաղացել և կրել է 3 պարտություն:
