«Նիստից առաջ դատավոր Ալեքսանդր Ազարյանն առաջարկել է մտածել՝ չեն ուզում իրեն ինքնաբացարկի միջնորդություն ներկայացրել». Գևորգ Թոսոնյան

Լրագրող Գևորգ Թոսոնյանը ֆեյսբուքյան իր էջում գրում է. «Դատավոր Ալեքսանդր Ազարյանը, Քոչարյանի գործով մտնելով նիստերի դահլիճ, սեփական նախաձեռնությամբ կողմերին հայտնել է, որ 2001-2006-ին աշխատել է Քոչարյանի աշխատակազմում, պարզաբանել է, որ որևէ կաշկանդվածություն չունի գործում, ասել է նաև, թե մի քանի հանդիպում է միայն ունեցել Քոչարյանի հետ՝ արարողակարգային միջոցառումների ժամանակ։ Առաջարկել է բոլոր կողմերին, այդ թվում՝ երկու դատախազներին մտածել, թե արդյոք ինքնաբացարկի միջնորդություն ունեն իր դեմ։ Բոլոր կողմերն, այդ թվում՝ մեղադրողները ինքնաբացարկի միջնորդություն չեն ներկայացրել: Այս մասին այսօր ինձ հետ զրույցում ասաց Քոչարյանի պաշտպաններից Արամ Օրբելյանը»։