Տպել
ԱՄՆ-ի բնակչության գրեթե կեսը տառապում է վիտամին D-ի պակասով, շատերը նույնիսկ չգիտեն վիտամին D-ի պակասը նախանշող նշանների մասին: Վիտամին D-ի բավարար քանակը 80%-ով նվազեցնում է կրծքագեղձի, հաստ աղիի, շագանակագեղձի քաղցկեղի և այլ հիվանդությունների առաջացման ռիսկը:
Նախքան այդ ծանր հիվանդությունների զարգանալը, գոյություն ունեն ֆիզիկական ախտանշաններ, որոնք կարող են ազդանշան տալ, որ դուք կարիք ունեք կարգավորելու ձեր արյան բաղադրության մեջ վիտամին D-ի քանակը:
Վիտամին D-ի պակասից առաջացող ամենատարածված ախտանիշերը.
Եթե այս ախտանիշերը ձեզ ցանոթ են, ապա վիտամին D-ի քանակը ձեր օրգանիզմում ցածր է.
Քրտնած գլուխ:
Եթե ձեր գլուխն առանց որևէ պատճառի հաճախ է քրտնում, ապա դա վիտամին D-ի պակասի ամենատարածված նշաններից է: Մանկաբույժները հենց այս նշանով կարող են նորածնի մոտ նկատել՝ վիտամին D-ի պակաս կա՞, թե՞ ոչ:
Հոգնածության զգացում:
Մշտական հոգնածությունը, որն առանց պատճառի է առաջանում՝ վիտամին D-ի պակասի շատ կարևոր նշան է համարվում: Նրանք, ովքեր ունեն քրոնիկ հոգնածության համախտանիշ, իրենց օրգանիզմում վիտամին D-ի պարունակությունը շատ քիչ է:
Ընկճվածության զգացողություն:
Հետազոտությունները ցույց են տվել, որ շատ մարդկանց մոտ նկատվող թեթև ընկճվածությունը վիտամին D-ի պակասի արդյունքում է առաջանում: Նորմալացնելով վիտամին D-ի պարունակությունը, կանցնի ընկճվածության զգացողությունը:
Մկանային թուլություն:
Հարվարդի համալսարանի ուսումնասիրողները պարզել են, որ հատկապես 60-ն անց մարդկանց մոտ վիտամին D-ի պակասը կարող է առաջացնել մկանային թուլություն: Սակայն 3 ամիս շարունակ D3 չափաբաժին ստանալու դեպքում հնարավոր է բուժել մկանային թուլությունը:
Հոդերի և ոսկրերի ցավ:
Վիտամին D-ի պակասից առաջացած հոդերի և ոսկրերի ցավն ամենատարածված նշաններից է: Առանց բավականաչափ վիտամին D-ի՝ կալցիումը չի կլանվում մարդու օրգանիզմի կողմից, որի պատճառով էլ մարդու հենաշարժիչ համակարգը կարող է զանազան հիվանդություններ ձեռք բերել: Ոսկրերի ցավը նշան է, որ տվյալ հիվանդը պետք է կարգավորի վիտամինի քանակությունն օրգանիզմում:
Մշտական առողջական խնդիրներ: Եթե դուք մշտապես այս կամ այն պատճառով ձեզ թույլ եք զգում, ապա դա կարող է վիտամին D-ի պակասից լինել: Մարդու դիմադրողականությունն ընկնում է և օրգանիզմն այլևս չի կարողանում պայքարել տվյալ հիվանդության դեմ: D3-ի ընդունումը կարող է մարդուն զերծ պահել զանազան հիվանդություններից:
Վիտամին D-ն շատ կարևոր է, որպեսզի օրգանիզմը պայքարի զանազան հիվանդությունների դեմ և միևնույն ժամանակ՝ ունենա առողջական լավ վիճակ:
Նյութը հրապարակման պատրաստեց Լիա Սեդրակյանը
