Երգիչ Փրինսի ընտանիքը նրա մահվան համար դատի է տվել բժշկին

Ամերիկացի երաժիշտ Փրինսի ընտանիքը դատի է տվել նրա բժշկին՝ մեղադրելով ճիշտ բուժում չտալու համար: Այս մասին տեղեկացնում է BBC-ն:

Դատական գործը հարուցվել է Մինեսոտայում: Նրանք պնդում են, որ բժշկի ձախողումները էական դեր են ունեցել աստղի մահվան համար: Հարազատների կարծիքով՝ բժիշկը չի կարողացել ճիշտ բուժում տալ ափիոնից կախվածության դեմ:

Փրինսը մահացել է 2016-ին՝ 57 տարեկանում՝ թմրանյութի չափազանց մեծ բաժին ընդունելու պատճառով:

Բժիշկ Շուլենբերգը հերքել է իր մեղքը: