Տպել
Ինքնաթիռի ուղևորներից մեկը մի քանի լուսանկարներ է հրապարակել իլյումինատորից և բացատրել, որ անձնակազմը լքել է ինքնաթիռը, իսկ մնացածի նկատմամբ կարանտին է սահմանվել։
Emirates ավիաընկերության ուղևորները, որոնք 203 չվերթով Դուբայից թռել են Նյու Յորք, կարանտինի մեջ են համաճարակի կասկածանքով, հաղորդում է ՌԻԱ Նովոստին։
ԶԼՄ–ների տվյալներով` պատճառը դարձել է անհայտ հիվանդությունը, որով վարակվել են ինքնաթիռի հարյուրավոր ուղևորներ։ Շատերի մոտ բարձրացել է ջերմությունը (37,7 և բարձր) և սկսվել է հազ։ Ավելի ուշ Emirates ավիաընկերությունը հաղորդել է, որ հիվանդացել է միայն 10 մարդ, նրանց հոսպիտալացրել են, մնացածներին բաց են թողել` վերցնելով կոնտակտներ։
Emirates flight #EK203 (An A380 with registration A6-EUF) is quarantined at JFK Airport in New York. According to reports in media about 100 passengers on board are reported feeling sick. pic.twitter.com/LnzV4NPKao
— Flightradar24 (@flightradar24) 5 сентября 2018 г.
Ուղևորների վատ ինքնազգացողության մասին զեկուցել է օդաչուն։ Ջոն Քենեդի օդանավակայանում ինքնաթիռը դիմավորել են Հիվանդությունների հսկողության և կանխարգելման կենտրոնի աշխատակիցները, ինչպես նաև ոստիկանները։
Ուղևորներից մեկն ինքնաթիռում մի քանի լուսանկարներ է արել իլյումինատորից և բացատրել, որ անձնակազմը լքել է ինքնաթիռը, իսկ մնացածին կարգադրել են մնալ իրենց տեղերում։
Cabin crew deplaning. pic.twitter.com/rZWYSk448Y
— Larry Coben (@LarryCoben) 5 сентября 2018 г.
Առայժմ հասկանալի չէ, թե քանի է մարդ է գտնվում ինքնաթիռում։ Airbus А380–ի երեք կարգերի սրահներ ունեցող տարբերակում տեղավորվում է մինչև 535 ուղևոր, իսկ մեկ կարգի սրահ ունեցողում՝ 853։
Sputniknews.com–ի տեղեկատվության համաձայն, խոսքը խոլերայի բռնկման մասին է։
