Տպել
British Airways-ը հայտարարում է հաքերային խոշոր հարձակման արդյունքում ընկերության հաճախորդների բանկային քարտերի գողության մասին. խոսքը շուրջ 380 հազար ուղևորների մասին է:
Բրիտանական ավիափոխադրողը տարածած հայտարարության մեջ նշում է, որ հաքերներին այդուհանդերձ չի հաջողվել ստանալ հաճախորդների անձնագրային տվյալներն ու ուղևորության վերաբերյալ տեղեկությունները:
Հաղորդվում է, որ հարձակումը տեղի է ունեցել ընկերության կայքի և բջջային հավելվածի միջոցով, տուժել են այն հաճախորդները, որոնք բանկային քարտով վճարումներ են իրականացրել օգոստոսի 21-ից մինչև սեպտեմբերի 5-ը ընկած ժամանակահատվածը:
