Ինչպես են ծաղրել Եվգենի Պետրոսյանին, հայ պրոդյուսերին և ռուսական տեխնոլոգիաները Comedy club-ում

Մեկնարկել է Comedy club-ի նոր եթերաշրջանը, և նոր թողարկման մեջ Պավել Վոլյան և Գարիկ Խառլամովը կարգին ծիծաղել են հյուրերի վրա, որոնց թվում էր շատ ուրախ հայ պրոդյուսեր: Սակայն ամենազիլ տեսարանը դատարանի նմանակումն էր, որտեղ ընթացել է Եվգենի Պետրոսյանի և Ելենա Ստեպանենկոյի ամուսնալուծության դատավարությունը: Դե իսկ թողարկման վերջում Պավել Վոլյան որոշել է խոսել ռուս գիտնականների ժամանակակից «մեծագույն» հայտնագործությունների մասին:

Հիշեցնենք, որ սեպտեմբերի 15-ին և 16-ին Երևանում տեղի կունենա մեր բոլորի կողմից սիրված՝ Comedy Club-ի փառատոնը: NEWS.am STYLE-ն այս մեծ իրադարձության մասին զրուցել է շոուի գլխավոր առաջնորդ՝ Գարիկ Մարտիրոսյանի հետ:

«Մեր սիրելի Երևանը դառնում է 2800 տարեկան: Մենք շատ ենք ուզում ներգրավված լինել այդ տոնին և գտնում ենք, որ Comedy Club-ի հերթական փառատոնի և նկարահանումների համար ավելի լավ վայր և առիթ պարզապես չենք գտնի: Իսկ երկրորդ, Հայաստանն ու հայերը վաղուց են հայտնի իրենց հումորի ավանդույթներով, և իհարկե վաղուց է հասունացել Comedy Club-ի կողմից Երևանում ուրախ տոն անցկացնելու անհրաժեշտությունը: Երրորդ, եթե ամեն ինչ լավ անցնի (ես վստահ եմ դրանում), այն կարող է դառնալ բարի ավանդույթ և այդ ժամանակ Comedy Club-ը ամեն աշուն նկարահանումներով կժամանի Երևան», – նշել է Գարիկը: