Վարորդական իրավունքի կեղծ վկայական՝ 160 դոլարով. aravot.am
Advertisement 1000 x 90

Վարորդական իրավունքի կեղծ վկայական՝ 160 դոլարով. aravot.am

Տավուշի մարզի առաջին ատյանի դատարանում ընթանում է Արտակ  Ժորայի Հովհաննիսյանի դատավարությունը: Վերջինիս մեղադրանք է առաջադրվել այն բանի համար, որ նա ինքնությունը չպարզված անձից 160 ԱՄՆ դոլար գումարի դիմաց ձեռք է բերել իր անվամբ լրացված վարորդական իրավունքի կեղծ վկայական, որը 2018թ. հունիսի 15-ին օգտագործել է, Իջևան քաղաքի Արցախյան փողոցում ներկայացրել  ճանապարհային ոստիկանության աշխատակիցներին:

Վարորդական իրավունքի կեղծ վկայականը որպես իրեղեն ապացույց դատարան է ներկայացվել: Ա.Հովհաննիսյանին մեղադրանք է առաջադրվել ՀՀ քրեական օրենսգրքի 325 հոդվածի 1-ին մասով («Իրավունք վերապահող կամ պատասխանատվությունից ազատող վկայական կամ պաշտոնական այլ փաստաթուղթ կեղծելը`կեղծողի կողմից անձամբ կամ այլ անձի կողմից դրանք օգտագործելու կամ իրացնելու նպատակով կամ այդպիսի փաստաթուղթ իրացնելը կամ նույն նպատակներով կեղծ կնիքներ, դրոշմներ, ձևաթղթեր, տրանսպորտային միջոցների հաշվառման համարանիշեր պատրաստելը կամ իրացնելը, ինչպես նաև ակնհայռ կեղծ փաստաթուղթ օգտագործելը»):

Նրա նկատմամբ խափանման միջոց է ընտրվել չհեռանալու մասին ստորագրությունը:

aravot.am