Տպել
Առնվազն 20-ամյա ընդմիջումից հետո Հայաստանում տեղի ունեցան օրինական ընտրություններ, որոնց արդյունքների շուրջ քաղաքական և հասարակական կոնսենսուս կա։ Ավելին, մենք ականատեսը եղանք քաղաքական նոր մշակույթի դրսևորման՝ պարտված քաղաքական ուժերն իրար վրա ցեխ շպրտելու փոխարեն արժանապատվորեն շնորհավորեցին հաղթողին։ Սրանք, իհարկե, դրական երևույթներ են, որոնք, այնուամենայնիվ, հարցեր են առաջացնում, որոնց շուրջ «Առաջին լրատվական»-ը զրուցել է քաղաքագետ Թևան Պողոսյանի հետ։
Հարցին՝ ընտրությունների արդյունքները Ձեզ համար կանխատեսելի էին, քաղաքագետն ասաց․ «Կանխատեսել էի, որ լինելու է նման պատկեր։ Գուցե ոչ 81, այլ մի քիչ ցածր, բայց այն, որ հասկանալի էր՝ ընտրություններում կան ձևավորված երեք ֆավորիտ ուժեր»։
Թևան Պողոսյանը նաև հավելեց, որ այս ընտրությունները նման էին անկախության քվեի։
