Տպել
Takprosto.cc կայքը գրում է, որ գինին, խմելուց բացի, կարելի է օգտագործել նաև տնային տնտեսության մեջ:
Ապակիների մաքրում: Եթե տանը սպիտակ գինի ունեք, որի պահպանման ժամկետն արդեն անցել է, այն գցելու կարիք չկա: Դրանով կարելի է փոխարինել ապակիներն ու պատուհանները լվանալու միջոցները:
Դիմակ դեմքի համար: Կարմիր գինին բավական շատ ամինաթթուներ է պարունակում, որոնք հիանալի հակաօքսիդանտներ են, որոնք մաշկին կարող են վերադարձնել հարթ տեսքն ու ամրությունը:
Գինու և յուղի հետքերը վերացնելու համար: Եթե կարմիր գինին պատահմամբ թափել եք կահույքի կամ հագուստի վրա, հետքերը վերացնելու գործում ձեզ կօգնի սպիտակ չոր գինին: Դա տեղի կունենա այն բանի շնորհիվ, որ այն բարձր թթվայնություն ունի: Սպիտակ գինին կօգնի ազատվել նաև յուղի հետքերից:
Գեղեցիկ վարսեր: Կարմիր գինին նյութ է պարունակում, որն օգնում է կանխարգելել մազաթափությունն ու փափկեցնում է վարսերը:
Մրգերի դեզինֆեկցիա: Չոր գինին հակամիկրոբային հատկություններ ունի: Այդ պատճառով էլ դրանով կարելի է մշակել հատապտուղներն ու մրգերը՝ բակտերիաների ու միկրոբների նեյտրալացման համար:
Թակարդ ճանճերի համար: Ճանճերից ազատվելու տարածված միջոց է համարվում խնձորի քացախով թակարդը, սակայն գինու հոտը նրանց գրավում է ոչ պակաս: Թղթից հարմարանք պատրաստեք, որպեսզի ճանճերն ընկնեն տարայի մեջ, սակայն չկարողանան դուրս գալ:
Կապտուկների բուժում: Գինին հակաօքսիդանտներ է պարունակում, որոնք կարող են արագացնել վնասվածքների ապաքինումը: Եթե ձեռքի տակ սառույց չունեք, փորձեք այն փոխարինել գինու կոմպրեսով:
Պարարտանյութ: Այգեպանները գիտեն, որ կարմիր գինին կարող է փոխարինել պարարտանյութերին: Հողի մեջ մի քանի կաթիլ գինի ավելացնելով՝ կարող եք արագացնել օգտակար բակտերիաների ձևավորումը:
Նյութը հրապարակման պատրաստեց «3 Միլիոնը»
