Տպել
Պատմաբան Վահե Անթանեսյանը իր միկրոբլոգում ներկայացրել է պատմական հայոց Աշխարհաժողովը: Հայոց Աշխարհաժողովը հավաքվում էր ամեն տարվա Նավասարդ ամսին հայոց Բագրևանդ գավառում, Նպատ լեռան լանջին: Աշխարհաժողովը ներկայացուցչական մարմին էր և նրա գումարման ժամանակ արքայից շինական՝ հավասարը հավասարի պես, քննարկում էին հայոց երկրի խնդիրները: Այն հայոց գերագույն խորհուրդն էր, որ ի զորու էր անգամ գահընկեց հայտարարել արքային:
Այս մասին հետաքրքիր տեղեկթյուն է հաղորդում երկրորդ դարի ազգությամբ հրեա, հռոմեացի պատմիչ Հովսեփոս Փլավիոսը.
-Վոնոնը թագավոր դառնալու ոչ մի հնարավորություն չուներ, քանի որ Նպատ լեռան շուրջ բնակվող հայ մեծամեծները հարել էին Արտավանին և Վոնոնին հանձնեցին Սիրիայի ստրատեգոս Սիլանոսին:
Խոսքը հայոց Վոնոն Երվանդունի արքային Աշխարհաժողովի կողմից գահընկեց անելու մասին է:
Ի դեպ, Աշխարհաժողովին զուգահեռ, Բագրևանդում անց էին կացվում Նավասարդյան խաղերը, որ ուղեկցվում էր խրախճանքով ու մեծ ժողովրդականություն էր վայելում: Դա հայոց Նոր տարին էր…
