Տպել
Կենդանակերպի այս նշանի ներկայացուցիչները ցանկության դեպքում կարող են Էվերեստի գագաթ բարձրանալ, նույնիսկ, եթե տեղյակ են բոլոր վտանգների մասին: Նրանք վստահ են, որ ամեն բան լավ կլինի, չեն կարողանում ապրել առանց ադրենալինի:
Խոյ: «Ինչո՞ւ սպասել, եթե կարելի է դա հիմա անել». այս նշանաբանով են ապրում Խոյերը: Կենդանակերպի այս նշանի ներկայացուցիչները ձգտում են օգտագործել բոլոր հնարավորությունները: Չեք կարող կանգնեցնել Խոյերին, եթե նրանք ինչ-որ բան են ծրագրել, իսկ կասկածամիտներին Խոյերը պարզապես արհամարհում են:
Նրանք սիրում են արկածներ, հուզմունքի, զգացումների կարիք ունեն: Մարդիկ, ովքեր փորձում են համոզել Խոյերին որևէ բան չանել, միայն գրգռում և զայրացնում են նրանց: Խոյերը սիրում են ճանապարհորդել, ռիսկի դիմել: Մի ասեք Խոյերին, թե նրանք չեն կարող ինչ-որ բան անել. դա չափազանց ռիսկային է:
Աղեղնավոր: Աղեղնավորները ցանկանում են աշխարհում տեսնել ամենը, ինչ հնարավոր է: Կենդանակերպի այս նշանի ներկայացուցիչները սիրում են ճանապարհորդել, նայել, անել բաներ, որոնց մասին նույնիսկ պատկերացում չեն ունեցել, նոր մարդկանց հանդիպել:
Աղեղնավորները կարիք ունեն ժամանակ առ ժամանակ բնության գրկում լինել, քանի որ դա օգնում է վերականգնել ուժերը, ոգեշնչվել: Արկածների, նոր տպավորությունների որոնումը կենսական կարևորություն ունի Աղեղնավորների համար: Դրանից է կախված նրանց երջանկությունն ու բարեկեցության զգացումը: Աղեղնավորները ձանձրույթից ավելի շատ են վախենում, քան ժայռից թռչելուց:
Երկվորյակներ: Երկվորյակները երազող են, մարդիկ, ովքեր վստահ են՝ կյանքի իմաստն այդ երազաքներն իրականություն դարձնելն է: Կենդանակերպի այս նշանի ներկայացուցիչները երազում են ճամփորդել, նպատակներին հասնելուց հետո նորերն են սահմանում: Երկվորյակները շատ հետաքրքրասեր են: Ինչի էլ մասնակից լինեն Երկվորյակները, նրանց համար լավ ավարտ է ունենում, նրանք նոր ընկերներ են ձեռք բերում:
Ջրհոս: Սիրում են ճանապարհորդել՝ աշխարհն ավելի լավը դարձնելու համար: Այդ պատճառով կենդանակերպի այս նշանի ներկայացուցիչները ճամփորդելը հաճախ համատեղում են կամավորական աշխատանքի հետ: Ջրհոսների համար չկա աշխարհը տեսնելու ավելի լավ տարբերակ, քան աշխատել երկրում՝ օգնելով նրա քաղաքացիներին:
Նյութը moimozg.ru-ից հրապարակման պատրաստեց 168.am-ը
